HAHA零九年第一個post呀

祝大家新年快樂、快高長大、學業進步、心想事成.......

但april零九年有點不吉利呢，因為我整親隻腳，拉傷左靭帶，家下要用拐杖行路，幾"貴""四"型呀.............

提一提旺角的同學呀，24號係唔駛上堂架，千祈唔好返錯呀！！！

聖誕進入最後倒數的階段啦，而今晚上完堂之後，終於可以享受期待已久的聖誕假期，雖然只有短短的三天，但對於一個兩個幾月冇放過假的人黎講，己經係很大的恩惠。

好多謝各位同學仔的聖誕咭、朱古力及小禮物，仲有非常別緻的薑餅，真係講你都唔信，今次係april有生以來第一次食薑餅咋，估唔到係咁甜架喎......

希望同學仔係聖誕節都溫下書啦，聖誕假之後再同大家見面！！！

預早祝大家聖誕快樂

首先要向各位星期一的同學致歉(日夜校都係)，因為真係頂唔順，真係要請一日的假期。但你地放心，個堂係會順延一個星期。

其實一直都頂住頂住，講唔到都要照講，就係因為唔想麻煩到大家，搞到大家的生活有所影響。

但星期日有個同學講得好岩，你咁的樣咁辛苦，我地又聽得辛苦，仲有可能會散播病菌，咁不如你抖一抖，精精神神黎上堂咪仲好.........

講得好岩
所以請容許apirl偷一日的懶，唔好意思呀

要好多謝好多謝好多同學的喉糖，仲有正正的咸金柑啦(食落仲好鬼甜添......)，仲有真係甜到漏的蜜糖，實在太多謝你地啦，實在覺得自己病得好幸福添.......